Nuummi biilinik ajunaartut

Ippassaq unnukkut aqqaneq qaangerlugu tanneq pingasut Nuummi Qinngutta timmisartoqarfiullu akornanni biilinik ajutoortoqarpoq, ajunaarnermik kinguneqartumik.

Biilit attartortakkat inuusuttunik sisamanik issimasullit sukkaqalutik ingerlasimapput, aqqusinerlu quasammat aquttuata biilit aqussinnaajunnaaramigit aqquserngup saamia tungaanut sangusimavoq ujarassuarmullu aporamik biilit ulikattarsimallutik.

Inuusuttoq ataaseq biilinut kiggigussaasimavoq, kaanngartinniarneranilu ikiorneqaqqaarluni kaanngartittariaqarsimavoq, ataaserlu silammut erfagiussaasimalluni.

Arnaq 28-nik ukiulik Dronning Ingridip Napparsimavianut apuunneqarlunilu toqusimavoq, angullu 21-nik ukiulik erngerluni toqusimalluni.

Angutit 26-nik 27-inillu ukiullit timimikkut ajoqusersimanngillat, taakkunanngalu aappaa biilinik aquttuuvoq. Aappaali annilaarujussuarsimanermik apersorneqarsinnaanngikkallartoq oqaatigineqarpoq, aappaalu ajorani angerlareersimalluni.

Biilinik ajutoortut aalakoorsimanersut paasiniarlugit aavi misissorneqarput, tamannali maannamut erseqqissumik paasissutissiissutigineqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat