Nuummi atuartut arparratilerput

Atuartut arpannissaarsuat, Nunatsinni amerlanerpaanit peqataaffigineqartoq ullaap tungaani nalunaaqutaq qulinut aallartissaaq. Arpatsitsineq Kommuneqarfik Sermersuumi atuartunit 2200-nit peqataaffigineqassasoq, Nunatsinni atuarfinni timersortitsisut (Skoleidræt) nalunaarutigaat.
maajip 30-at 2011 03:59

Nuummi arpaffissaq 2 kilometerisut isorartutigaaq, Katuap eqqaaniit aallartissalluni ilaatigullu Nuutoqaq aqqusaarlugu Katuamut uterlugulu appattoqassalluni. Aqqut taanna qasseriarluguluunniit nalunaaquttap akunnerata ataatsip ingerlanerani arpaffigineqarsinnaavoq imaluunniit piumagaanni pisuinnarneqarsinnaalluni, tassami siunertaaneruvoq nuannisaarnissaq timillu atornissaa, Atuarfinni Timersorneq nalunaaruteqarpoq.

Nalunaaqutaq qulinut tanneq quligiluanngorpat kissassarneq aallartissaaq Katuap eqqaani, kissassaasuussalluni Air Greenlandip pisortaanera, Michael Binzer.

Angajoqqaat allallu piumasut arpannermi aamma peqatasinnaasut, Atuarfinni Timersornermit nalunaarutaavoq. Kommuneqarfik Sermersuup illoqarfiini nunaqarfiinilu allani aamma arpattoqarnissaa kissaatigineqarpoq.

Sammisassaqartitsineq Maaji Peqqissuutiguk naggaserlugulusooq aamma suliniut Get Moving - timip peqqinnartumik nerisassallu peqqinnartut atugaanerunissaannik suliniaqatigiiffik "Aalasa" - peqataaffiginiarlugu arpatsitsineq pilersaarusiaavoq.