Nuummi atuarfik namminersortoq sisamanik klassitaqassaaq
Nuummi Atuarfik Namminersortoq, Nuuk International Friskole ukiarsariartulernerani aallartikkuni klassinik sisamanik aallartitsissaaq. Klassit siulliat, aappaat, pingajuat sisamaallu.
Atualersussanik sapaatip-akunnera kingulleq allatsitsiortornermi meeqqat katillutik 40-t ilannguttut, atuarfiup siulersuisuini siulittaasoq Kathrine Bødker oqarpoq.
-Ilimagisatsinnit ikinnerupput, arlallilli aallartinnissarput utaqqimaariarlugu meeqqaminnik nuutsitsiniarlutik pilersaaruteqarput, oqarpoq nangipporlu:
- Paasisinnaalluarpara angajoqqaat nalorninerat siornatigummi ulloq aallartiffissarput nalunaarutigeriarlugu aallartinngitsoortariaqarsimavugut. Kathrine Bødker oqarpoq.
Meeqqat allatsittut 40-t ima agguataarsimapput. Meeraq ataaseq kalaallisuinnaq oqaaseqartuuvoq, ataaseq tuluttuinnaq, sinneri kalaallisut qallunaatullu qallunaatuinnarluunniit oqaaseqarlutik.
