Nuummi atuarfik alla coronamik aamma eqqugaasoq: Meeqqat sisamat tunillatsissimasut

Nuummi meeqqat atuarfianni ASK-imi atuartoq ataaseq tunillatsissimavoq. Tamatuma saniatigut sunngiffimmi ornikkagaq alla aamma matuneqarpoq.
Blandt de smittede er en elev i skolen ASK, Atuarfik Samuel Kleinschmidt i Nuuk. Alle forældre i elevens klasse er blevet kontaktet. Assi © : KNR
Allattoq Malik Brøns
septembarip 10-at 2021 14:57
Nutserisoq Connie Fontain

Tunillatsissimasut sisamat nutaat paasineqarput.

Tunillatsissimasut tamarmik Nuummiipput, tamarmillu meeraallutik.

Tunillatsissimasut ullumikkut amerlassusaat kommunikkaarlugit:

  • Avannaata Kommunia: Tunillatsissimasoq ataaseq
  • Kommune Qeqertalik: 0. 
  • Qeqqata Kommunia: 17-it. Ippassaq 35-upput.
  • Kommuneqarfik Sermersooq (Nuummiinnaq):  29-t. Ippassaq 26-upput.
  • Kommune Kujalleq: 0

Tunillatsissimasut ilaat Nuummi ASK-imi tassa Atuarfik Samuel Kleinsmidtimi atuartuuvoq. Atuartup klassiani angajoqqaat tamarmik attavigineqarpoq.

Kommuneqarfik Sermersooq tusagassiuutinut nalunaarummi allappoq.

- Atuartup klassimi atuaqatai angerlartinneqarput, angajoqqaallu tamarmik attavigineqarlutik meeraasa misissortinnissaannik kaammattorneqarput.

Atuartut angerlartinneqarsimasut tunillatsissimasumut qanillisimanerminnit ulluni arfineq-marlunni angerlarsimaannartinneqassasut kommuni allappoq.

Tamatuma kingorna ullut arfineq-marlussaanni misissorteqqissapput. Atuartut ullut arfineq-marluk qaangiuppata misissorteqqinneranni coronamik tunillatsissimanngitsut aatsaat takutinneqarpat atuariaqqissinnaapput.

Sunngiffimmi ornittagaq alla matuneqartoq

Tamanna USK-imi atuartunut angerlartinneqarsimasunut tassa sapaatip akunnerani matumani angerlartinneqarsimasunut aamma atuuppoq. USK-imi atuartut tunillatsissimasumut kingullermik septembarip ulluisa arfernanni attaveqarput. Taamaammat ataasinngornermi septembarip ulluisa 13-ianni misissorteqqinnissami tungaannut angerlarsimaannartinneqassapput.

Kommuneqarfik Sermersuumi tuniluuttoqarnera pissutigalugu sunngiffimmi ornikkatagaq alla tassa AKO Illu aamma matugallarneqarpoq.

Naatsumik oqaatigalugit: 

  • ASK-imi klassimi ataatsimi atuartut angerlartinneqarput
  • USK-imi klassini pingasuni atuartut angertinneqarput
  • Sunngiffimmi ornittagaq Narsarmiutaq matoqqavoq
  • Sunngiffimmi ornittagaq ILLU matoqqavoq
  • Ulluunerani paaqqinniffik Timmiaaqqat matoqqavoq

ASK-imi klassi nutaaq angerlartinneqartoq sunngiffiullu ILLU-p matuneqarallarneqarnerata saniatigut USK-imi atuartut sulisullu angerlartinneqarsimasut kiisalu ulluunnerani meeraaqqerivimiittut ataasinngornermi misissorteqqissapput.

Taamaammat USK-imi klassit sunngiffimmilu ornittagaq Narsarmiutaq meeqqerivillu Timmiaaqqat nakorsaanerup akuersineratigut marlunngornermi septembarip ulluisa 14-ianni ammaqqissinnaapput.