Nuummi atuarfiit siulersuisuinut qinersineq peqataaffigineqarpallaanngilaq

Allattoq Carla Davidsen
novembarip 02-at 2005 11:01

Nuummi atuarfiit siulersuisuinut qinersineq angajoqqaanit peqataaffigineqarpallaanngilaq, qinersisinnaasut 10 procentii ataallugit qinersiartorsimammata.

Nuummi atuarfinni tallimaasuni atuarfinni pingasuni nalinginnaasumik qinersineq ingerlanneqarpoq. Atuarfinni marlunni angajoqqaat tallimaannaat qinigassanngortimmata Kommunalbestyrelse atuarfiup siulersuisuinut sinniisussanik toqqaasussanngorpoq.

Peqqussut malillullugu atuarfimmi angisuuni angajoqqaat tallimat sinniisussallu tallimat atuarfiup siulersuisuinut qinerneqartussaapput, qinerneqartut naammanggippata kommunalbestyrelse toqqaasussaatitaalluni.

Peqqussut malillugu novemberip aallaqqaataani atuarfinni tamani atuarfiup siulersuisuinut qinersinerit ingerlanneqareertussaapput, radioaviisimili sineriammi paasiniaanitsinni paasinarsivoq sineriammi atuarfippassuarni suli atuarfiit siulersuisuinut qinersinerit ingerlanneqarsimanngitsut.