Nuummi atornikuerniarfittaaq
Kalaallit Røde Korsiat Nuummiittoq sapaatit akunnerata naanerani Ole Varehusip iniutaani atornikuerniarfimmik nutaarluinnarmik ammaavoq. Taassumalu atornikuerniarfiusimasoq Cafe Chilip ataaniissimasoq taarserpaa.
Allattoq Peter Troelsen, Simon Uldum
marsip 04-at 2013 11:02
Kukkunerussagunanngilaq oqassagaanni piiniarfittaassaaq Nuummi innuttaasunit pissanngatigilluarneqarsimasoq. Pisiniarfik ammarneqarpat silataani utaqqisorpassuaqarpoq, taakkulu ammaanermut atatillugu neqerooruterpassuit siulliuffigisinnaasimavaat.
Nuummi atornikuerniarfik ukiumut 900.000 kr.-it missaannik kaaviaartitaqartarpoq, nioqqutaasullu amerlanersaat 100 kr.-it ataallugit akeqarmata sorpassuarnik tunisaqartoqarnissaa pisariaqassaaq.
Pisiniarfiup sinneqartoorutai Kommuneqarfik Sermersuumi innuttaasunut iluaqutissanngortinneqartarput, ilaatigut ass. juullimut ikiorsiissutitut aammalu angerlarsimaffeqanngitsunik nerisitsinissamut tapiissutitut. Nammineq kajumissutsiminnik sulisut aamma akissarsiaqaratik sulisuupput.
