Nuummi atoqqitassaarniarfik aatsaat taama kaaviiaartitaqartigisoq

Kalaallit Rødekorsiata - KRK-p immikkoortortaqarfia Nuummiittoq atoqqitassanik tuniniaaviat 2015-imi aatsaat taama amerlatigisunik isertitaqarpoq, tassalu 1.241.000 koruuninik isertitsisimagami, ukiumut siulianut naleqqiullugu 195.000 koruuninik amerlanerusunik.
Atoqqitassaarniarfimmi sulisut Noële Simon, Sabine Christiansen, Vivi Wennerfeldt aamma Aase Nygaard. Assi © : KRK
Allattoq Karsten Sommer
marsip 18-at 2016 07:18

Atoqqitassanik tuniniaavimmi atorluarneqaqisumi tuniniakkat amerlanersaat annerpaamik 50 koruuneqartarmata, 1,2 millioner koruunit qaangermatigit tunisat ingerlalluarsimassapput.

Tuniniakkat atoqqitassat KRK-p Nuummiunit pisarpai, pisiniartitsinerlu nammineq piumassutsiminnik sulisunit ingerlanneqarpoq. Tamakku akunnerpassuarni sulisartut, KRK-p allaffimmi pisortaa Kirsten Mortensen nalunaarpoq.

2015-imi pisinianit nuannarineqarnerpaasimasut tassaapput inuusat nuersakkat Inuk aamma Inuuna. Taakku Aase Nygaardimit Nöele Simonimillu nuersarneqartartut. Taakkuinnaat 84.000 koruuninik isertitsissutaasimapput ilanngarnagit angerlarsimaffeqanngitsut nerisassaannut atorneqarsimasunik.

KRK-Nuup ukiup ingerlanerani isertitami ilai Nepalimi nunap sajunnerani eqqugaasunut katersuiniartunut 50.000 koruunit tapiissutigisimavai, aammalu ilaqutariit pissaaleqisut juullimut pisiniutissaattut 376.750 koruunit agguaassimallugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq