Nuummi aserorterisoqangaatsiarpoq
Ilaatigut aserorteriffigineqarpoq Kangillinnguit Atuarfiat. Tassani tallimanngormat ullaakkut igalaat sisamat aserorneqarput, unnukkullu igalaat tallimat aamma aserorneqarlutik.
Tamatuma saniatigut annerusumik biilit aserorteriffigineqarput, aserorteriffigineqartunullu ilaallutik lastbiili angisooq maskiinalu nunamik assaassut.
Nuummi politiit nalunaarusiaminni allapput, piffissami kingullermi aserorterisoqangaatsiartartoq. Meeqqat allereersut igalaat ujaqqanik milloortarpaat. Angajoqqaat meeqqamik sulerinerannik nakkutiginninneroqqullugit politiinit kajumissaarneqarput.
Politiit pinsi eqqissisimanartutut sakkortuumillu pisoqarfiunngitsutut oqaatigaat.