Nuummi arnaq biilinit aporneqarpoq
Arnaq 22-inik ukiulik Nuummi Nuussuarmi aqqusinermi pisuinnaat aqqutaatigut ikaarniartilluni ullumi nalunaaqutaq ataatsiip missaani biilinit aporneqarpoq.
Allattoq Jaaku Lyberth
juunip 24-at 2009 17:15
Arnaq biilinit aporneqartoq Dronning Ingridip napparsimavissuanut unitsinneqarpoq. Nuummi politiit oqarnerat malillugu arnaq biilinit aporneqartoq erniinnaq napparsimmavissuarmit angerlartinneqarumaarpoq. Aporsinermi biilimik aqutsisoq pillugu politiit oqaaseqarsinnaanatik nalunaarput, aporsineq pillugu paasiniaaneq suli ingerlanneqarmat.
