Nuummi arnaq 54-inik ukiulik pinngitsaalineqarpoq
Arnaq 54-inik ukiulik angummit 21-nik ukiulimmit Nuup eqqartuussiviata eqqaani pinngitsaalillugu sapaammi ullaassakkut arneriffigineqarpoq.
Allattoq Jaaku Lyberth
Arnaq kiinnamigut angummit tilluarneqarpoq uppitinneqarlunilu, taamatumalu kingorna pinngitsaalillugu arneriffigalugu, Nuummi politiit nalunaarput.
Angut pinngitsaaliisoq, Nuummi politiinit sapaammi ualikkut nassaarineqarpoq, eqqartuussivimmullu sassartinneqarnerami, sapaatip akunnerini sisamani tigummigallagassanngortinneqarluni.