Nuummi arnap saassunneqarnerani takunnissimasinnaasunik politiit ikiortissarsiorput

Nuummi politiit ataasinngornerup marlunngornerullu unnuaani saassussisoqarneranut atatillugu takunnissimasinnaasunik ikiortissarsiornerat tusarliutissavarput.

Arnaq 39-nik ukiulik Nuummi Ceresvejimi Blok N-ip Kongevejimilu Blok P-ip akornanni ataasinngornerup marlunngornerullu unnuaani nalunaaqutaq ataatsimut tanneq qulingiluat missaanni saassunneqarpoq, meeqqeriviup Red Barnet-ip pinnguartarfiata silataani.

Maannamut misissuinerit ersersippaat arnaq tunuaniit saassunneqarsimavoq ajoquserujussuarneqarlunilu.

Thomas Fatzlaff Nuummi politeeqarfimmit oqarpoq, arnaq 39-nik saassunneqartoq suli Dronning Ingridip napparsimaviani uninngasoq, Danmarkimullu aallarunneqarnissaa naatsersuutigineqarsinnaasoq.

Nuummi Politeeqarfimmit nalunarutigineqarpoq, takunnissimasinnaasunik ikiortissarsiorluni radiokkut nalunaaruteqarnerup kingorna inummit ataatsimit saaffgineqarsimallutik, saassussisimasutullu pasineqartoq tigusarineqarsimasoq, paasissutissanilli amigaateqartoqarnera pillugu, saassussisoqarnerani takunnissimasinnaasunik ikiortissarsiorlutik.Thomas Ratzlaff Nuummi politeeqarfimmit nalunaarpoq.

Angut saassussisoq 160 centimeterit missaannik angissuseqarpoq, tuattuulluni, qernertumik naatsumik kavaajaqarpoq, taartunik qarleqarluni, tungujortumillu qaamasumik nasaqarpoq.

Sassussinerup nalaani nukappiaraq niviarsiararlu blok Nimit anisut maannammut ilisimaneqarpoq. Niviarsiaraq nukappiararlu politiit attaveqarfigerusukkaluarpaat.

Aallallu takunnissimasinnaasut Nuummi Politiinut saaffiginneqquneqarput, Nuummi Politiit oqarasuaataat tassaavoq 32 14 48, 32 14 48.