Nuummi arfininngornermi ullaakkut toqutseriartoqaraluartoq
Angut toqutseriaraluartoq tigusarineqarami eqqartuussivimmi sassartinneqarami ulluni 28-nik tigummigallagassanngortinneqarpoq.
![](/sites/default/files/styles/image_934x467/public/brand_i_nuussuaq_211117_2.jpg?itok=As_k76NS)
Politiit suliamut suli misissuimmata annerusumik paasissutissiisinnaanngikkallarput.
Allattoq Marie Kûitse Kristensen
Angut 46-nik ukiulik arfininngornermi ullaakkut toqutseriarsimasutut pasineqarpoq.
Angut toqutseriarsimasoq arfininngornermi ullaakkut arfineq marluk qeqqartoq politiinut nalunaarutigineqarpoq, pasineqartoq 06:51 politiinit tigusarineqarpoq.
Kalaallit Nunaanni politiit pigaartuisa pisortaat, Gedion Quist KNR-imut taama oqarpoq.
Politiit suliamut suli misissuimmata annerusumik paasissutissiisinnaanngikkallarput.
Angut arfininngornermi killisiorneqarpoq. Taanna eqqartuussivimmi sassartinneqarami ulluni 28-nik tigummigallagassanngortinneqarpoq.