Nuummi Apummik ilusilersuineq immaqa
Apummik ilusilersuilluni Nuummi ukiumoortumik unammisitsinissaraluaq aputissaaleqineq pissutigalugu februaarip naajartornerani kinguartinneqarpoq.
Taamaakkaluartorli Nuummi piffissaq kingulleq nittaalleqattaartuarpoq, apummillu ilusilersuinissamik aaqqissuussisut maanna neriuutigilerpaat unammisitsinissaq IMMAQA piviusunngorsinnaassasoq.
Flemming Nicolaisenip, apummik ilusilersuilluni unammisitsinissami aaqqissuussisuneersup, kissaatigeqaa unammisitsinissaq iluatsissinnaassasoq, neriorsuivallaarusunngilarli:
- Silap sapaatip-akunnerata tulliani qanoq innissaa misissulereerparput, iluaqutaanngilarmi aput ullut marlussuit qaangiuppata kingumut aassagaluarpat, Flemming Nicolaisen Radioavisimut oqarpoq.
- Silap qanoq innissaa paasereeriarutsigu, apummik ilusilersuilluni unammisussat nalunaarsimasut holdit arfineq-pingasut attaveqarfigissavavut, paasisariaqarparpummi unammisitsinissaq piviusunngussappat ilumut peqataasinnaassanersut.
- Tamarmik pisinnaassappata, apullu aanngippat, apummik ilusilersuilluni apuit blokkinngortinnissaat ajornanngitsuaraassaaq, taava immaqa poorskip ullui kingulliit apummik ilusilersuilluni unamminermut atorneqarsinnaassaluartut, Flemming Nicolaisen, aappaatigut neriullualaartoq, oqarpoq.
