Nuummi apinerujussua ilungersunartorsiorfiuvoq
Apinerujussua pissutaalluni biilertorpassuit ajornartorsiorput. Nuummi politiit nalunaarutigaat biilerpassuit marrissimasut, ingerlariaqqissinnaanngitsullu amerlasimaqisut.
Allattoq Mads Lynge
marsip 12-at 2011 13:01
Tamanna pissutigalugu aputaajaanissaq ilaatigut ajornakusoortarsimasoq, Peter Grønvold Nuup politiivinit oqarpoq.
Mittarfiup tungaanut aqqut ammaqqippoq, Qinngutsinninngaanniilli mittarfiup tungaanut aqqut matoqqagallarpoq, sapaammi ammaqqissangatinneqarluni.
Illoqarfinni allani pinartumik aamma pisoqarsimanngitsoq nalunaarutigineqarpoq.
