Nuummi angerlarsimaffinni ikiortit takkutinngitsuukulapput

Utoqqaat arlaqartut angerlarsimaffinni ikiortinit ilaannikkut sapaatip akunnerini sisamani sullinneqarneq ajorput. Angerlarsimaffinni ikiortit ajornartorsiutaanerat pillugu, Nuummi utoqqaat peqatigiiffiat ataasiarani uttoqqarnit saaffigineqartarpoq.
Allattoq Elisa Isaksen
juulip 15-at 2008 08:42

K’itura Ketwa ima oqarpoq:

- Angerlarsimaffinni ikiorteqarnerup tungaatigut sullinneqarnerput ajorpoq aamma ajortuaannarsimavoq pitsanngoriartornanilu. Sapaatip akunneranut ataasiarlunga angerlarsimaffinni ikiorteqartartussaagaluarlunga, tamanna eqquutitinneqanngisaannarpoq.

Akiatunginni inilik 75-inik ukiulik ippassigami oqaluussara aamma oqarpoq, sapaatip akunnerini pingasut angullugit orninneqarsimanani aamma qasusarluni, K’itura Ketwa oqarpoq.

Nuummi Utoqqaat Peqatigiiffianni siulittaasoq Ole Magnussen aperaarput, angerlarsimaffinni ikiortit pillugit saaffigineqartarsimanersoq.

- Taamatut ikiuuttussanik takkutinngitsoortoqartarnera pillugu arlaleriarlunga sianerfigineqartarpunga. Aamma sullissisut saaffigineqaraangamik oqartarsimapput, saaffiginnittoq naammagittaappallaarnerarlugu. Siornatigullu taamaattoqartarsimammat isumaqarpunga tamanna aaqqiivigineqartariartariartoq.

Nuummi Utoqqaat Peqatigiiffianni siulittaasoq Ole Magnussen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq