Nuummi angerlarsimaffinni eqqissiviilliornerit 13-it

Politiit aamma inunnik isumaginnittoqarfiit angerlarsimaffinni eqqissiviilliornerit ikilisarniarlugit suliniutinik aallartitsisimapput, Nuummilu sapaatit-akunnerata siuliani angerlarsimaffinni eqqissiviilliornerit 13-it nalunaarutigineqarsimanerisigut immikkut suliniuteqarfigineqartariaqarnera paasinarpoq.

Allattoq Peter Troelsen, Simon Uldum

januaarip 13-at 2014 08:06

Eqqissiviilliornernit 13-iusunit tallimani meeqqanik najuuttoqarsimavoq, meeqqallu taakku taamatut misigisaqarnertik inuunermik sinnerani tarnimikkut innarligaassutigissavaat. Angerlarsimaffinni eqqissiviilliortoqartillugu imigassaq pissutaakkajuttarpoq, inuillu imigassartorsimatillutik oqqannaveersaartarnissaannut politiit piffissami sivisuumi kaammattuuteqartarsimapput.

Politiit aamma nakuusertoqarneranik, tillinniartoqarneranik, aqqusinermi eqqissiviilliortoqarneranik, aalakoorpallaartunik aserorterisunillu ulapputeqarsimapput. Aammattaaq Nuummi aqqusinermi ajutoortoqarsimavoq inummik aporsisoqarluni. Aportittoq qujanartumik annertuumik ajoqusersimanngilaq Dronning Ingridiullu Napparsimmavissuani suliaritereerluni angerlartinneqarsinnaasimalluni.

Nuummi angerlarsimaffinni eqqissiviilliornerit 13-it

Aamma atuaruk