Nuummi angerlarsimaffeqanngitsut pitsaanerusunik atugassaqartinneqartariaqarput
Ukioq kingulleq apriilimi ammartoq, angerlarsimaffeqangitsut unnuisarfiat Kialaarfik inunnut 20-nut inissaqarpoq, unnuilli amerlanerpaat cafe qulaani inissisimasoq unnuiffisatut ammarneqartarpoq.
- Imatut ingerlavoq, ullut tamaavisa ulikkaaqqavoq. Tappikunga angerlarsimaffeqanngitsut ullut tamaaviisa saaffiginnittarput. Ullut tamaasa allattorneqartaramik inuit qassit saaffiginnittarnersut aqqusaartartullu, pinerillu tamaangajaaviisa unnuisut 20-t sinnertarpai, ilaanni ullormut 27-t tappikunga saaffiginillutik unnuerusuttarput, Kommuneqarfik Sermersuup tungiuinermut immikkoortortaqarfiani immikkoortortami aqutsisoq Vivi Christiansen oqarpoq. Unnuit amerlanersaat unnuiffissarsiortut arlaqartarmata ilai ingerlaannartariaqartarput.
Vivi Christiansenillu atugassarititat pitsaanerussasut kissaatigigaluarpaa:
- Ukioriartornera qanillilerparpunaasiit inissaqarnatillu ingerlaqqiinnartartunik naammattuuisassaagut, taamaattoq allineqarnissaa pitsaassagaluaqaaq. Neriunnaraluarpoq suliap annertusineqassasoq, Vivi Christiansen oqarpoq.
Angerlarsimaffeqanngitsunut suliat naammappat?
- Amerlanerusinnaagaluarput. Immaqa inissiamik ilaqqillugu. Kisianni maannakkuugallartoq oqaluuserineqanngilaq. Sivitsunngippat oqaloqatigiittoqaqqissooq, julip naanerani imaluunniit augustip aallartinnerani ullumikkut unnuisarfik qanoq ingerlanersoq direktøri oqaloqatigissavara, Vivi Christiansen oqarpoq.
Inunnik nalunaarsuisarfimmi Nuummi najugaqanngitsut 142-ut allassimapput. Kisianni Vivi Christiansenip oqaatigaa, angerlarsimaffeqanngitsut amerlassusaat inissinnissaa nalunartorujussuusoq.