Nukappiaraq ajutoorfimmi ikioqqaarneqarpoq. Assi: KNR

Nuummi alianartumik toqukkut ajunaartoqartoq

Nukappiaraq qulingiluanik ukioqartoq alianartumik ullumi ajutoornermi kingorna Dronning Ingridip Napparsimmavissuani toqukkut qimaguppoq.

Nukappiaraq qilingiluanik ukioqartoq kælkinik ullumi sisorarnermini ajunaarpoq.

Taassuma Nuummi Qinngorpumi Pisiffiup eqqaani kælkinik sisornarnermini qullermut napparut eqqorpaa, naallu tamaani annaanniarlugu ikioqqaarneqaraluarluni, Dronning Ingridip Napparsimmavissuanut apuunneqarnermini toqukkut qimaguppoq. 

Kalaallit Nunaanni politiit tusagasiutinut taama allapput. 

Taakkua nalunaaqutaq 13.30 nalunaarfigineqarput. 

Nukappiaraq qulingiluanik ukioqartup angajoqqaavi kalerrinneqarsimapput.

Pisumik isiginnittoqaalussimasoq, politiit allapput. Tamakkununnga pinguaqatai inersimasullu qanittumi sanaartorfimmiittut ilaapput. Isiginnittut upalungaarsimanermi piareersimasunit orninneqarput.

Kalaallit Nunbaanni Politiit pisoq alianartumik ajutoornertut isigaat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl