Assi: HHE

Nuummi akunnittarfimmit akikitsumik sanaartulersut

Nuummi akunnittarfiutillit, Carl Juhl aamma Helge Tang, illoqarfissuup qiterpasissuani akunnittarfissuarmik akikitsumik sanaartorniarput.

Nuummi mittarfik tallilerneqarpat takornarianut siniffissanik amerlanerusunik pisariaqartitsisoqalissasoq ilimagineqarpoq.

Nuuk aamma takornariaqarnikkut nutaamik allaanerusumillu pilerisaaruteqarpoq, ilaatigut suliniut Colourful Nuuk aqqutigalugu, tamannalu takornarianik ussagartitsivoq, Juhl aamma Tang taama naliliipput.

Akunnittarfittaassaq 108-nik initaqassaaq unnuinerlu ataaseq 799 koruuneqassalluni, Helge Tang tusagassiorfinnut nalunaarummi taama ilisimatitsivoq.

Akunnittarfittaassaq "HHE Express"-imik taaguuteqartussaq akunnittarfimmut pioreersumut Hotel Hans Egedemut unammilissagaluartoq, taakku tamarmik immikkooruteqartut Helge Tangip oqaatigaa, Hotel Hans Egedemi business hotelitut ataatsimeersuartarfittaqarluni ingerlaannassammat. Akunnittarfiit taakku marluk katillugit ininik 264-inik akunnittarfittullu inissianik 20-nik pigisaqalissapput.

Akunnittarfik akikitsoq nutaaq pilersaarutit malillugit 2020-mi marsip aallaqqaataani ammarneqassaaq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat