Nuummi aallaasersortoq aalakoorsimavoq

maajip 09-at 2007 10:46

Ullaassaq Nuummi Kangerlukasik Avannarlermi umiatsiaaqqat puttasoqarfiani aallaasersortoq politiinit ullup ingerlanerani eqqartuussivimmut sassartinneqassaaq.

Angut aalakoorluni Umiarsuarmut Naja Arctica-mut arlaleriarluni seqquusarsimavoq, politiilli naluaat suna pillugu angut taamatut iliorsimanersoq.

Angut umiarsuarmut attuumassuteqarsimanngilaq, sunali pissutigisimanerlugu umiarsuaq seqquusarfigisimavaa.

- Umiarsuarmi inuttaasut ilai kamaassimagunarpai, Nuup Politeeqarfiani pisortaagallartoq, Johan Davidsen, Radio-aviisimut taama oqarpoq.

Umiarsualivimmi ullaaq nal. 05.00 aallaasersortoqarnera politiinut nalunaarutigineqareersorlu, angut ullaaq nal. 06.00 qaangilaaraa tigusarineqarpoq.