Nuummi 70-it HIV-imik tunillatsissimapput
Nuup Kommuneani pinaveersaartitsinermik suliaqartut SSSPK, kulturikkut illorsuarmi Katuami nerriviliorput, kikkunnit tamanit saaffgineqarsinnaasumik. AIDS pillugu paasissutissanik agguaassineqarpoq, usuullu puiinik akeqanngitsunik tigusisoqarsinnaalluni. Tippimik nivingatitsisoqarpoq, atsiorfissamillu periarfissaqarluni. Oqarasuaatikkut angallattakkakkut maannammut allakkat ingerlaartinneqarput, ilaatigut oqaluttuarineqarluni Kalaallit Nunaani inuit 135-it HIV-imik tunillatsissimasut Nuummi inuit 70-it missaaniittut tunillatsissimasut, tamaattumillu usuup puuanik atuinissaq kaammattuutigineqarluni.
Sydafrikap Danmarkimi aallartitaa allanertamik tunissutissarsisimavoq. Rødbedamik salatiliaq.
Suliniaqatigiiffik Afrika Kontak salaatimik tunniussisuuvoq. Sydafrikami naalakkersuisut isumaqarput, AIDS hvidløgimik olivenolieamik rødbedamillu katsorsarneqarsinnaasoq.
Peqqinnissamut naalakkersuisup præsidentilllu innutaasunut taamatut oqalunnerat ulorianarpoq eqqarsarluarnerunanilu suliniaqatigiiffik isumaqarpoq.