Nuuk Ugeavis unammillerteqalerpoq
Nuummi illoqarfiup aviisia unammillerteqalerpoq. Aviisi taaguuteqartoq Tiu Tiu, sapaatip akunneranut ataasiarluni saqqummertalissaaq.
Allattoq Louise M. Kleemann
januaarip 16-at 2010 04:25
TV-kkut aallakaatitassat kanalinit arfineq-marluneersut aviisimi atuarneqarsinnaassapput. Aammattaaq Martin Brandt Hansenip titartagai atuartartunut ilisaritinneqassapput.
Nittartagaq tiu.gl marsip qaammataani atulerpat atuartartut isummersuutiminnik ilanngutaqarsinnaasassapput.
Pierre Minik Rosing illoqarfiup aviisianik pilersitsisuuvoq.
