TV-qarfik Nuuk TV 4G-mik internettimik ilaasortaminut nioqquteqalerpoq.
Nanoq Nettimit internettimut attaveqaat 4G-uvoq, taamaammallu atuisut modemi attaveqaallu illoqarfimmi angallassinnaavaat. Innaallagialersornissaa kisiat apeqqutaavoq.
Aamma pisiarigaanni atuutsinneqalernissaa sivisuumik utaqqisariaqanngilaq, tassa pisiarigaanni minutsialuinnannguit ingerlanerini attavinissinnaalissammat. Nuuk TV taama allaaserisaqarpoq.
Nanoq Nettip Net1 Skandinaviami internettimik neqerooruteqartoq suleqatigaa. Taamaammat Danmarkimut Sverigemulluunniit angalaassagaanni tamatigut internettimut attaveqartoqarsinnaavoq - modemi nassarneqaannassaq.
Internettimut attaveqaat Nuuk TV-mi ilaasortanuinnaq neqeroorutaavoq, ullumilu sisamanngornermi septembarip aallaqqaataanit Nuuk TV-p allaffiani pisiarineqarsinnaalerluni.
