Nuuk Sisimiullu HIV-erfiunerpaapput
HIV-imik tunillanneqarsimasut amerlanerpaartaat Nuummiinngaanneersuullutillu Sisimiuninngaanneersuupput. Tunillanneqarsimasut amerlanersaat soraarnerussutisiaqanngikkunik ikiorsiissutinik pisartagaqartuupput, amerlanertigullu arnat angutinik imaluunnit angutit arnanik atoqateqarnermikkut tunillanneqarsimasuusarput. Tunillanneqarsimasut amerlanerpaartaat aamma ukioqqortunerit akornanniipput, inuusunnerusunullu tunillaassuuttoqarneranik takussutissaqanngitsoq, Dronning Ingridip Napparsimmaviani nakorsaaneq, nunatsinnilu HIV-mik tunillanneqarsimsut sullinneqaranni akisussaasoq Karin Ladefoged oqarpoq.
Ukioqqortunerusut akornanni tunillaasoqarnerusarpoq. Inuusunnerusut akornanni tuniluunnerup takussaannginnera qujanarnerarlugu Karin Lagefod oqarpoq, oqarlunilu siunissami katsorsaariaatsit tungaatigut aamma neriunartoqartoq, HIV-ip AIDS-innguutinnginnissaa pillugu suliniutit iluatsillualereersimammata.
