Nuuk qulaaniit isiginnaarlugu

KNR-imi webmasteriusoq, Martin Chemnitz, ualigaa alakkarterparput, assit suna pissanganaqutigineraat paasiniarlugu:

- Nutaarsiassaavoq illoqafiit ataasiakkaat nunatsinniittut pitsaanerujussuarmik takuneqarsinnaanngormata, siornatigut taamaallaat nunataa, imartaa takuneqarsinnaagaluarput, massakkut allaat illut ataasiakkaat, biilit allaammi inuit immaqa ataasiakkaangajallugit takuneqarsinnaallutik.

Martin Chemnitz oqaluttuarpoq illoqarfiit allat aamma taama assiliortorneqarnissaat pilersaarutaasoq, maanna Nuuk Kangerlussuarlu taama isiginnaarneqarsinnaapput.

Martin Chemnitz aperaarput pinnguarnerinnaanersoq, imaluunniit arlaannut atorneqarsinnaava?, akivoq:

- Nuannersorujussuuvoq! Aamma tiguartinnaqaaq alutornaqalunilui, tassami illoqarfiit sumiiffiillu allat nunarsuatsinneersut taama maanna iserfigineqarsinnaanngorput. Martin Chemnitz aamma oqaluttuarpoq siorna aavarfini alakkartersinnaasimallugu. – Angalasut aamma ilisimatissinnaavavut soorlu immaqa ikkarlummik takusaqarsinnaagutta, imaluunniit pinngortitarsuarmut nuannerluinnaqqissaartumut innersuussinnaallutigik.

Nittartakkatsinni knr.gl/assiisivik alakkarussiuk Google Earth akeqanngitsumik qanoq iserfigisinnaaallusiuk takusinnaavarsi. Google Earth 15 Mb missaani angissuseqarpoq.