Nuuk Playground sananeqalerpoq
Blok P-ip toqqavigisimasaani silami pinnguarnissamut aaqqissuinernullu nuannersunik sammisassaqartitsivinnik sanagallartoqassaaq.
Sap. akunnerini 23-25, sikkilertartunut dirt jumppertarfiliortoqassaaq, qarsutassiortoqassaaq, skatertarfiliortoqassaaq, volleyballertarfimmik aamma assammik arsartarfiliortoqassallunilu Inuit Gamesertarfiliortoqassallunilu.
Arfininngorpat juunip aallaqqaataani, nal.12.00, Nuuk Playgroundip sananeqarnera aallartissaaq. Tassani BMX-ertartoq aamma downhillertartoq Danmarkimeersoq, Danny Dahl Sørensen, Nuummi inuusuttut peqatigalugit, juunip qulingiluaata tungaanut, Dirt Jumpertarfiliussaaq (BMX/MTB).
Kommuneqarfik Sermersooq, Permagreen, INI, GA, Inua KRK aamma Brugseni suleqatigiillutik Nuuk Playground sanassavaat.