Nuuk Marathon ukiut 21-issaat aqagu ingerlanneqassaaq
Peqataaniarlutik maannamut nalunaarsimasut inuit 150-it missaanniipput, nalunaarnissarli suli matunngimmat, peqataasut suli amerlisinnaapput.
Nuuk Marathon nunanit assigiinngitsunit tallimanit aggersunit peqataaffigineqassaaq: USA-mit, Danmarkimit, Sverigemit, Norgemit, Tysklandimit kiisalu Nunatsinniit.
Marathonimut peqataasussani utoqqaanersaattut maannamuugallaq nalunaarsimasut nunatsinneersuupput, tassaallutillu Siverth Hansen, 50-inik ukiulik, arnanilu Methe Lynge, 50-inik ukioqalereersimasoq.
Isorartussutsit assigiinngitsut sisamat Arpaffigineqassapput:
Marathon, 42,2 kilometeriusoq , ½ Marathon, 21,1 kilometeriusoq, isorartussutsillu 10 kilometeri aamma 3 kilometeri.
Peqataaniarnermut nalunaarfissaq unnugu nalunaaqutaq arfineq pingasunut killeqarpoq.