Nuuk Marathon nutaamik pissartartaarpoq

Nuuk Marathonimi Lars Sveths pissartanngorpoq taamaasilluniluni aamma Kalaallit Nunaanni. Ukioq manna Nuuk Marathon peqataasut 1000-t qaqingajappaat.
aggustip 25-at 2007 15:26

Nuuk anorsaannguarluni seqinnertoq ullaap tungaa nalunaaqutaq qulit tooraalu, Nuuk Marathonimi peqataasut arpattartut meeqqat, inuusuttut, inersimasut utoqqaallu katillugit inuit 945-it borgmester Agnethe Davidsenip aallartippai.

Ukioq manna Nuuk Marathonimi ajungaavoq, taamaasillunilu Kalaallit Nunaanni pissartanngorpoq, Ilulissaneersoq Lars Sveths, atorlugit akunnerit marluk minutsit 45–it aamma sekuntillu arfineq-marluk. Minutsit pingasungajaat kingulliulaarluni normu 2-julluni apuuppoq Kim Godtfredsen. Taamaasilluni nutaamik Nuuk Marathonimi pissartanngortoqarpoq siorna siornaallu ajungaasoq Stig Brahe Sørensen ullumi Nuummi arpaliunnermi 20 kilometerisut isorartutigisumut arpaqataammat.

Arpaliunnermi malinnaatitatta marathonip affaani arpaqataasup arpaffik peqqarniinnerarpaa taallugu nunarsuarmi marathonit ilungersunarnersaasa ilaat. Arpaffik sivinganeqaqaaq taamaattumik sukkassusissaq nassaariuminaattarpoq pinngortitarsuarli naleqanngilaq, radioavisimi suleqateqarput oqarpoq.