Nuuk Marathon kattuffissuarmut ilaasortanngortoq

Allattoq Carla Davidsen
juunip 15-at 2005 05:23

Nuuk Marathon ukiorpassuarni suliniuteqareerluni nunani tamalaani pisortatigoortumik marathonernermik ingerlatsisartut kattuffissuannut ilaasortanngorpoq.

Nuuk Marathonimik atuisartut 400.000-it tunuliaqutaralugit Nuuk Marathon kattuffissuarmut 180-inik ilaasortalimmut ilannguppoq. Nuuk Marathonip kattuffissuarmut ilaasortanngornermini taamaalilluni assigiinngitsunik pisussaaffeqalerpoq, arpatsitsinissanilu aqqutissat aaqqissuussinerillu akueriteqqaarlugit ingerlatsisinnaalissalluni.

- Kattuffissuarmulli ilaasortanngornitsigut arpattartunik nunanit allaneersunik tikeraartoqarnissatsinnut periarfissaqarnerulerpugut. Nunani tamalaani ilisimaneqarnerulernissarput aamma sulissutigissavarput. Nuuk Marathon sinnerlugu Claus Nielsen oqarpoq.

Nuuk Marathon ilaatigut New York Marathonimi novemberimi ingerlanneqartussami nittarsaassisussanngorpoq, ilaatigut Arctic Circle Race, Arctic Team Challenge, Greenland Adventure Race, Air Greenland aamma Nunatta Angalatitsivia suleqatigalugit saqqummersitsinissamut inuit 70.000-it takuniaasinnaassallutik.

Nuuk Marathon aggustip arferngani arpatsitsissaaq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk