Nuuk Marathon 2016 qaammat una ingerlanneqassaaq

Nuukkut, Nuussuakkut, Mittarfikkut Qinngutsigullu marathonerluni arpattut sakkortunaarissapput aamma aqqutit imminut misiligutaassapput. Arpanneq sivingajaarpassuit qatsissutsillu assigiinngitsorpassuit pissutaallutik marathonerluni arpannerit sakkortunersaattut isigineqartarpoq.

Arpanneq inuppassuarnit peqataaffigineqartoq

- Silarsuarmiut Nuuk Marathonimik takunnilernissaat kissaatigaarput, taamaalilluni arpattarneq tamanna ukiuni tulliuttuni tallimani najukkameersunit nunanillu tamalaaneersunit ornigarluarneqarnerussammat. Ukioq´manna arpattartorpassuarnik ussatsitsinnginnissarput ilisimavarput, kisianni ukioq´manna Nuummi  annertunerusumik marathonerluni arpattarnissamut tunngavissiissaagut. Ukioq´manna arpattartunut isiginnaartunullu pitsaasunik avatangiiseqartitsinissatsinnut qilanaarpugut, Michael Günzel, arpattartut peqatigiiffianni NAAPE-mi arpattarnernut pisortaq oqarpoq.

Arpaffissaq isorartunerpaaq arpaffigisinnaanngikkaanni taava arpaatit qilersorluariarlugit naannerusumut arpaqataasoqarsinnaavoq. Arpaffissat isorartussutsit assigiinngitsut sisamaasut tassaapput 3,5 kilometer (ilaqutariinnut arpaffissaq), 10 kilometer, 21,1 kilometer (marathonip affaa) aamma 42,195 kilometer (marathon). 

Arpattussat tamarmik nal 10.00 arpallutik aallassapput Brugsenillu eqqaanut apuutissallutik. Peqataasut tamarmik medaliannassapput aamma arpattoqareerpat pinnattaassanik makitsisoqassaaq. Apuuffissami aliikkusersuisoqassaaq, pississaarfeqassaaq allappassuarnillu nalliuttorsiorpalaartoqassalluni. 

Nuuk Marathonimi arpaffissat assigiinngitsut 
Ilaqutariinnut arpaffissaq  3 kilometer (akeqanngilaq), 
10 kilometer (peqataaneq 100 koruuneqarpoq), 
Halvmaraton, 21,1 kilometer (jpeqataaneq 200 koruuneqarpoq), 
Maraton, 42,195 kilometer (peqataaneq 300 koruuneqarpoq).

Nuuk Marathon 2016-imut peqataaniarlutit uunga nalunaarit-