AWG2016 Nuuk Kunstmuseum AWG-p nalaani immikkut saqqummersitsiniartoq

Cultural Carriers tassaavoq AWG2016-qarnerani tamanut saqqummersitaq. Saqqummersitaq imarisamigut AWG-mut peqataasut nunanit aggerfiinit naggueqartoq, pigisanik kulturinit assigiinngitsuneesunit katitigaq, immikkut oqaluttuassartaqarpoq. Kommuneqarfik Sermserooq nittartakkamini taama allaaserisaqarpoq.

Suliat taakkua tamarmik Gitz-Johansenip (1897-1977), oqaluttualiat aallaavigalugit suliaannut akuliutissapput – suliat titarnerit, oqaluttuat namminerlu takorluuisinnaaneq aallaavigalugit pinngortinneqarsimasut pinnguaqataassallutik. Toornat siulivullu “Qalipaasorsuup” – Gitz-Johansenip atuakkamut “Figurer I Grønlands Mytologi” assiliartaliussaani uummarsarneqartutut ittut. Atuakkamut assiliartaliuussaaqqaartut AWG-p ingerlanneqarnissaanut atatillugu Nuummut tikisinneqarsimapput, qujanartumik Upernavimmi Katersugaasivimmit attartorneqarsinnaasimallutik.

Pinnguarneq ullumimut ingerlaqqilluni Ivínguak` Stork Høeghip (in. 1982) digitalimik assilisanik katitigai saqqummersinneqassapput, taakkunani inuit kulturiat nunarsuarmiooqataanermik muteerniusumik naapitsineq ersersinneqarluni. Ivínguak` Stork Høeghip suliaani akuttunngitsumik politikki pillugu isummiussat oqariartuutillu ersersinneqartarput, taamatuttaaq Kalaallit Nunaanni rapimik aamma aqqusinernilu kulturi attuumassuteqartinneqartarluni. Saqqummersitsinermi eqqumiitsuliortup eqqarsaatersuutigai; uanga angerlarsimaffiga – uanga inuiaqatigiit najukkakka.

Saqqummersitsineq arfininngornermi marsip tallimaani nal. 20.00 ammarneqassaaq.