Nuuk: Katersuiniarneq Inussivimmi tusarnaartitsinertalimmik ingerlanneqalerpoq

januaarip 07-at 2005 16:54

Kangiani ajunaarnersuaqarneranut ikiuiniarluni nunatsinni aningaasat katersorneqartut maannamut 1,8 milliuuni koruuniupput, sulili amerliartussapput. Nuummi Inussivimmi katersuiniarnermut atatillugu unnugu nal. arfineq pingasuniik unnuap qeqqata tungaanut nipilersortartut assigiinngitsut tusarnaartitsissapput.

Nipilersortartut assigiinngitsut appisimaarnissaminnut nipinik misileraasut Inussivimmut alakkarterpavut, tusarnaariartoqarluarnissaalu isumalluarfigaat. Amerlasuut aggialluaqqullugit

iserneq minnerpaamik 20 koruuneqassaaq, piumasulli tassannga annerusumik akiliuteqarsinnaapput. Tusarnaartitsinissap aaqqissuunneqarnerani nipilersoqatigiit appisimaassarnissaminnut kajumissuseqarluarsimasut aaqqissuisoq Kim Godtfredsenip unnersiuutigaa.

Katersuiniarnermilu 200.000-it koruunit isertinneqarnissaat ilimagaa.