Nuuk Kapisillit Tour siallermat aallartinnissaa kinguartittoq
Pisunneq arpannerlu ulluni pingasunik sivisussuseqassaaq, tassani pisussanerluni arpassanerluniluunniit naammineq aalajangerneqassaaq.
Aaqqissuussineq iluatsissappat silap qanoq innera apeqqutaavoq.
Juulip ulluisa tallimaanni aallartittussaagaluarpoq Qassimili aputeqarpallaarnera pissutigalugu ullumimut kinguartinneqarpoq.
Pisunneq arpannerlu qulingiluanut ullaaq aallartittussaagaluartoq ullup qeqqanut kinguartinneqarpoq.
- Nuummi siallernera pissutigalugu qulingiluanut aallartitussaagaluartoq ullup qeqqanut kinguartinneqarpoq, Danmarkimi silasiorfiup DMI-p silassamik ilimasaarutaani, ullup qeqqata kingorna siallerunnaarlunilu anorlerunnaartussammaat,
Jens Kristian Berthelsen Nuuk Kapisillit Tourimi 2018-mi aaqqissuusseqataasoq taama oqarpoq.
Arpalluni pisullunilu Nuummiit Kapisillinnut aaqqissuussineq Nuuk Kapisillit Tour 2018 arfininngorpat nuannannermik naggaserneqassaaq.
- Nuuk Kapillit Tour 2018-mi peqataasut Kapisilinnut tikikkunik nuannaarutissaqarput, Kapilinni Festivaleqartussagaami, assigiinngitsunik nipilersortoqartussaavoq, aamma meeqqanut immikkut sammisassaqartitsisoqassaaq, pullattakkanik pississaarfeqassaaq, hoppeborgeqarluni, Jens Kristian Berthelsenip aamma neriuutigaa Nuuk Kapisillit Tourimi peqataaasut Kapisilinnut tikinnissaannut Nuummiit peqataajartortoqarumaartoq .
Nuuk Kapisillit Tour 2018-mi peqataasut 46-upput aaqqissuussinermilu nammineq piumassutsiminnik suleqataasut 15-ullutik .