Nuuk inuussutissarsiornermut ataatsimiititaliartaarpoq

januaarip 03-at 2007 06:51

Nuummi kommunalbestyrelsimi ataatsimiititaliaq nutaaq ukiut nikinneranni pilersinneqarpoq.

Tassa Nuummi kommunalbestyrelsimi ataatsimiititaliamik ataavartumik pilersitsisoqarpoq, taannalu tassaavoq Inussutissarsiornermut Ataatsimiititaliaq. Taama Nuummi Pisuni (Nuuk Nyt) allaaserinnittoqarpoq.

Nutaamik ataatsimiititaliornikkut inuussutissarsiornikkut ineriartornerup ataqatigiissaarnissaa aqunnissaalu siunertarineqarput.

Ataatsimiititaliap peqatigitillugu qulakkiissavaa Nuup Kommuniani illoqarfiup pilersaarusiornerata inuussutissarsiutitigullu ineriartornerup ataqatigiissinnissaat.

Ataatsimiititaliaq inissitsitereerpoq, siulittaasunngortorlu tassaavoq IA-meersoq Ove Karl Berthelsen.