Nuuk innuttaminit nuannarineqarluarpoq

Nuummiut Nuummullu nuunnikut illoqarfimminnik nuannarinnipput - nunaqarfimmilu inuuneq kajungerinngilaat. Roskilde-p Universitetcenter-iani lektorip inuup inuiaqatigiillu pissusiinik ilinniagartuup Bo Wagner Sørensenip misissuinerani tamanna erserpoq. Taanna atuagassiamut Antropologi-mut illoqarfissuaq Nuuk pillugu allaaserisaqaqqammerpoq.

- Oqaloqatigisama oqariartuutigisarpaat Nuuk najugaqarfigalugu nuannersuusoq, Bo Wagner Sørensen oqarpoq.

Nuummiut Nuummullu nuunnikut katillugit 40-t missaanniittut oqaloqatigisimavai, taakkulu amerlanersaasa Nuuk pissanganartutut isigaat.

Nuuk 15.000-t missaannaani inoqaraluarluni issittumi illoqarfissuusoq Bo Wagner Sørensen isumaqarpoq.

Inuit ilaat – pingaartumik Nuummut nuunnerit – Nuuk qallunarnittutut isigisarpaat.

- Oqaloqatigisama ilaasa Nuuk Danmarkeeqqatut isigisarpaat. Taamalu oqartarnerit nuummiunit sakkortuumik qisuariarfigineqartarput, namminnermi illoqarfik inunngorfigalugulu najugaqarfigigamikku.

Nuup qallunarnittutut isigineqarnera isornartorsiutitut isigineqassanngitsoq, inuilli namminneq nuuffimminninngaannit Nuup allaanerunera pillugu taama oqartarnerattut isigineqassasoq, Bo Wagner Sørensenip erseqqissarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat