Nuuk Imeq-mi sinneqartooruteqarneq naammagisimaarneqartoq

Imeruersaatinik maqitsivik Nuuk Imeq ukioq 2007-imi akileraarutit peereerlugit 26,8 millioner koruuninik sinneqartoorpoq. Angusartik Nuuk Imerup siulersuisuisa ippassaq ataatsimiinnerminni naammagisimaarpaat.
Allattoq Jaaku Lyberth
marsip 13-at 2008 05:30

Pingaartumik immiaaqqat tunisat, ukiuni arlalinni ikiliartorsimariarlutik amerleriaqqinnerusimapput, taamaallilutik immiaaqqat 0,6 procentimik sodavandillu procentimik ataatsimik amerliariarlutik.

Nuuk Imeq siorna 152 millioner koruuninik kaaviiaartitsivoq. Suliffeqarfiup 2008-imi angusat qanoq ikkumaarnerat eqqoriaruminaatsippaa, sukkullit akitsuutaat qaffannikuummat – soorlu immiaaqqat sodavandillu.

Henrik Estrup Nuuk Imermi ukiuni 14-ini sulisuusoq, ukiunilu kingullerni tallimani pisortatut sulisoq, maajimi soraarpat, 47-inik ukiulik Bernhard Christensen pisortatut sulilissaaq. Bernhard Christensen Pilersuisuimi KNI-imilu tuniniaanermi pisortaasimavoq.

Nuuk Imermi siulersuisuini siulittaasoq aamma kiinaq nutaajuvoq. Nuup Kommunalbestyrelseani partiit suleqatigiit nikinnerat pissutaalluni, Nuuk Imeq-rup siulersuisuini siulittaasoq Berthelseniulissaaaq, Ove Karl Berthelsen taarserlugu Per Berthelsen siulittaasunngormat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq