Nuup Erngata matusariaqarsinnaanera suli aarlerigaat
![](/sites/default/files/styles/image_934x467/public/article_images/nuuk_imeq_google_maps.png?itok=_jMOk8uU)
Nuuk Imeq 2018-ip naanerani matussaaq. Ukiup siuliani taama ersaritsigisumik Nuuk Imeq oqariartuuteqarpoq.
Puiaasanik utertitsisarnermi aaqqissuussineq qanoq isikkoqalerumaarnersoq tassani ujartorneqarpoq.
Piviusorlu suli taamaappoq, naak suliffeqarfik 127 millionit koruunini aningaasaateqaraluartoq.
- Puiaasat pillugit inatsit qanoq pineqassanersoq paaserusupparput, Nuuk Imermi siulersuisuini siulittaasoq Justus Hansen oqarpoq.
AAMMA ATUARUK Nuuk Imeq sinneqartooruteqangaatsiartoq
Puiaasat pillugit inatsit qanoq isikkoqalissanersoq paasineqarpat Nuuk Imeq atortussanut nutaanut aningaasaliinissaminut piareeqqavoq, aningaasammi amigaataanngillat.
- Atortunut nutaanut aningaasaliinissaq pinngitsoorneqarsinnaanngilaq, taamaaliussaguttali siunissaq qanorpiaq isikkoqarsanersoq paasisariaqarparput, aalajangernissamummi tunngavigissagatsigu, Justus Hansen oqarpoq.
AAMMA ATUARUK Nuuk Imeq A/S-ip matuneqarnissaa innersuussutigineqartoq