Nuuk biilikorpassuaqarfiuvoq
oktobarip 20-at 2005 07:14
Nunatsinni illoqarfiit annersaanni Nuummi biilit atorunnaarnikut ajornartorsiutaalerput, tassami illoqarfiup iluani biilikoqangaarmat illoqarfik biilikoorfinngortuusisimavoq.
Illoqarfiup iluani biilit normupladeqanngitsut 40-t sumi tamaanniipput.
Nuup kommunia aputaajaasoqarnissaanut innuttaasunut mianersoqqusivoq, biilikut naammattuukkatik saviminikoorfimmut igittassagitik. Kingusinnerpaamillu oktoberip 26-iani biilit peerneqarsimanngippata kommunimiit peerneqassasut erseqqissaatigineqarpoq.
Taamatuttaaq kommune erseqqissaavoq, biilit normupladetaqanngitsut, biilit inissisimaffianni nunaminermik qinnuteqarsimanngikkunik iluarsaanneqarnissamullu utaqqisitaasimanngippata tamakkunani inissisimaqqusaanngitsut.
