Nuugaatsiami imissaaleqisut

Uummannap pigisaani nunaqarfimmi Nuugaatsiami imissaaleqisoqalernera Nukissiorfiit nalunaarutigaat. Ukiukkut imiisiviusartoq imaaruttoorutigineqarpoq.
Assi © : Phil Roeder/Flickr Creative Commons
Allattoq Karsten Sommer
maajip 04-at 2017 10:02
Nutserisoq Simon Uldum -

Taamatullu ajornartorsiuteqartoqarnera nunaqarfimmi imermik atuisoqarnerusimaneranik ukiarlu issippallaarnera pissutigalugu imermik immersuinerup ajornartorsiutigineqarsimaneranik pissuteqarpoq, Nukissiorfiit Facebookimi taama allaaserisaqarput.

Aamma erngup aqqutaa erngarsimasinnaasoq, Nukissiorfiit ilanngullugu oqaatigaat.

Nuugaatsiarmiulli 80-t sinneqalaartut ikiorneqartussanngorput.

Imiivisik maanna immerneqarpoq, nunaqarfimmiullu imeqarfimmut nammineerlutik imertarsinnaapput.

Aammattaaq kuummit imermik pissarsinissaq siunertaralugu erngup aqqutissaanik slanginik amerlanerusunik tikisitsisoqarniarpoq.

Aamma tarajuiaammik timmisartukkut tikisitsisoqassaaq.

Nukissiorfiillu nunaqarfimmiut sermimik aatsitseriarlutik qalaassinnarlugu atuinissaannik kajumissaarpaat, Nukissiorfiit Facebookimi taama allapput.

 

 

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk