Nutsernersuaq

Københavnimi kalaallit peqqissartut illuanni Brønshøjemiittumi najugallit maannakkut 40-sut peqqissartut illuannut nutaajusumut Østerbromiittumut pingasunngormat nutserput.
Allattoq Jaaku Lyberth
januaarip 20-at 2012 09:17

Peqqissartut maannakkumut ineqatigiiaarlutik najugarfimmi Brønshøjimiittumi inissinneqartartut, nutaamik illutaarnikkut ajunnginnerujussuarmik atugassaqartitaalissapput, peqqissartut illuanni ningiu Stine  Hansen oqarpoq.

Peqqissartut illutaavat Østerbromi aqqusinermi Omøgademi inissisimavoq, illumi tassani savalimmiormiut peqqisartut aamma najugaqartassapput. Savalimmiormiut peqqissartut ukiup naalernerani peqqissartut illutaavannut inissinneqartalissaput.

Kalaallit Peqqissartut illuanni nutaami init kisimiilluni inigineqartartut 53-iupput, taakkua uffarfeqarput perusuersartarfeqarlutillu, taakkua saniatigut inissiat arlalinnik initaqartut sisamaapput taakku ilaqutariinnut meerartalinnut atorneqartussatut naatsorsuussallutik.

Kalaallit peqqissartut illutaavat pisortatigoortumik majip ulluisa aqqarngani atoqqaarfissiorneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq