Nutserisut KANUKOKA-mi oqallittarfittaarput

novembarip 15-at 2004 13:45

Nutserisunut oqalutsinullu oqallittarfik Kalaallit Nunaanni Kommuneqarfiit Kattuffiata pilerseqqammisaa, qangali piviusunngortikkusullugu eqqarsaataasimasoq, KANUKOKA-mi nittartagalerisoq Svend Møller oqarpoq:

- Qangali tamanna pilersaarutigaarput. KANUKOKA-p nittartagaani oqallittarfinnik assigiinngitsunik pilersitsikuunerput aallaavigalugu, malugigatsigu nutserisut oqalutsillu aamma pisariaqartissagaat, taamaalilluta pilersitsivugut.

Oqaasilerisut suleqataanissaat Svend Møllerip pingaartippaa suleqataanissaallu kissaatigalugu.

KANUKOKA-p oqallittarfimmik pilersitsinera, Oqaasileriffimi pisortap Carl Christian Olsenip tikilluaqqorusuppaa.

- tikilluaqqorusupparput, oqaatsimmi pillugit oqallinneq soqutigisassarigatsigu.

- Oqaatsinilli aallajangiisoqassatillugu aalajangersaasartut tassaapput oqaasiliortut

Oqaasileriffimi pisortaq Carl Christian Olsen taama oqarpoq.

Oqallittarfiup nutserisunit, oqalutsinit imitsittartunillu ilisimasaminnik misilittakkaminnillu paarlaasseqatigiiffigisinnaassagaat, taamatullu aamma nutserinermi oqaatsit atorneqartut assigiinnerulernissaat, KANUKOKA-mit neriuutigineqarpoq.