Aningaasaqarnermut ministereqarfik aamma nunanut allanut tunngasunut ministereqarfik Aarhusimilu suliffeqarfik illersornissamut tunngusunik sulialik Terma, NSA-mit Danmarkip USA-llu isertortumik suleqatigiissutigisaat aqqutigalugu alapernaarsuiffigineqarsimasut, tusarfiit DR Nyhederip oqaloqatigisimasai oqarput.Assi: Global Panorama/flickr

Nutaarsiassaqartitsivik: USA-p danskit ministereqarfii alapernaarsuiffigisimavai

USA-mi isertortumik paasiniaasartut Danmarkimi suliffeqarfinnut ministereqarfinnullu alapernaarsuisarsimasoq, DR allappoq.

USA-p isertortumik paasiniaasartuisa, NSA-p, Danmarkip USA-llu isertortumik suleqatigiissutigisaat aqqutigalugu Danmarkimi ministereqarfiit pingaarutillit suliffeqarfiillu namminersortut alapernaarsuiffigisarsimavaat.

Illersornissaqarfiup isertortumik paasiniaasartuisa, FE-p, 2015-imi nalunaarusiarisimasaanni isertuunneqartuni inernerit ilaat taamaapput. Paasissutissat tamakku isertortumik siammarterisup oqaatiginninneratigut saqqummiunneqarput.

Tusarfiit imminnut attuumassuteqanngitsut arlallit, nalunaarusianillu ilisimannittut saqqummiussinerisigut DR Nyheder taama allaaserisaqarpoq.

- Kabelit internetimut attaveqaatit atorneqartartut aqqutigalugit NSA Danmarkip qanimut iligisaannut Danmarkillu soqutigisaanut alapernaarsuisarsimavoq, tusarfik atiminik ilisimatitserusunngitsoq oqarpoq.

AAMMA ATUARUK Grønland og Danmark underskriver erklæring om cybersikkerhed

Aningaasaqarnermut ministereqarfik aamma nunanut allanut tunngasunut ministereqarfik Aarhusimilu suliffeqarfik illersornissamut tunngusunik sulialik Terma, NSA-mit Danmarkip USA-llu isertortumik suleqatigiissutigisaat aqqutigalugu alapernaarsuiffigineqarsimasut, tusarfiit DR Nyhederip oqaloqatigisimasai oqarput.

NSA-p kilitsissiatut sulinermi programmiliaq FE-mut neqeroorutigisimavaa, taannalu aqqutigalugu alapernaarsuisoqarsimasoq oqaatigineqarluni.

Isertortumik paasiniaasartut NSA-meersut kabelit internetimut atorneqartartut aqqutigalugit paasissutissanik pissarsiniarsinnaapput.

Paasissutissat pineqartut isertortumik paasiniaasartut kilitsissiatut programmi aqqutigalugu pissarsiarisinnaavaat, paasissutissallu tamakku inuinnarnit pissarsiarineqarsinnaanatik.

Inuit emailikkut allaqatigiissimaneranni, inoqatinulluunniit attaveqaatit aqqutigalugit oqaloqatigiinnerannit paasissutissat taakkununnga ilaapput.

DDR Nyhederip illersornissamut ministeri Trine Bramsen, suliffeqarfik Terma, FE-milu NSA-milu qitiusumik inissisimasimasut arlallit oqaloqatiginiarsimagaluarpai, iluatsinngitsumilli.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat