Nutaarsiassaqartitsivik Ritzau: Sikuiuitsup imartaa ataatsimeersuassutigineqalerpoq

Ingeniørit Danmarkimi Kattuffiat aqagu ataatsimeersuartitsiniarpoq qulequtserlugu ”Sikuiuitsumi immap ilisimatusarnikkut misissuivigineqarnissaa”.

Imarujussuaq taanna tassaavoq Qalasersuarmi Kalaallit Nunaatalu avannaata nunap toqqaviani - nunarsuatsinni imartat nunamut imaluunniit naalagaaffimmut sorlermut ataneri pillugit piumasaqaatitaqanngitsoq - taamaaginnassagunanngilarli.

Sikuiuitsup imartaa ilisimatusarnikkut misissuivigineqalerpoq. Naalagaaffiit Peqatigiit imaq pillugu inatsisinik atortitsineq pillugu siorna isumaqatigiissusioreersullu, Sikuiuitsup imartaata annersaanut Kalaallit Nunaat oqartussaaffeqassasoq Danmarkip ukiut qulingiluat qangiutsinnagit uppernassassagaa.

Rusland oqartussaaffigerusutaminik piumasaqareerpoq, uppernarsaatilli saqqummiunneqariaqarpata Ruslandip oqartussaaffigerusutai Kalaallit Nunaannut atariaannaapput. Canada aamma Issittumut soqutiginnilluni ilungersuuteqarpoq.

Geofysikeri, Jørgen Taagholdt, issittoq pillugu 1959-imili ilisimatusartarsimasoq, isumaqarpoq, Sikuiuitsup imartaata naqqa pillugu assiliornissaq danskit imaq pillugu ukiuni aggersuni ilisimatusarnissaanni pingaaruteqartorujussuussasoq.

- USA-p, Canadap Ruslandillu imaq taanna pillugu paasisassarsiornerat ukiuni arlalinni ingerlareerpoq, Danmarkili kingusissorujussuakkut aallartilluni, Taagholdt oqarpoq.

Misissuinissat pisarioqisut akisoqisullu aallartinnissaannut piffissaq sivikitsuaranngorpoq, misissuinissallu taakku aalajangiisussaapput Danmark Kalaallit Nunaannut naalagaaffimmullu siunissami pisussaaffimminut naapertuuttumik iliornersoq.

- Maanna qanoq iliuuseqanngikkutta immaqa periarfissarseqqinnavianngilagut, Jørgen Taagholt qalleqqissaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat