Kommunip atorfimmik Tasiilamiit Nuummut nuussinera atorfimmik atorunnaarsitsinertut isigneqassanngilaq. Taamaammat atorfilik aningaasarsitinneqarnissamut pisussaaffeqanngitsoq, Eqqartuussiviit Qullersaata aalajangerpaa, AG allappoq.Assi: Kommuneqarfik Sermersooq

Nutaarsiassaqartitsivik: Eqqartuussiviit qullersaata Kommuneqarfik Sermersooq pinngitsuutippaa

Eqqartuussiviit qullersaata Kommuneqarfik Sermersuup Tasiilami atorfilimmik Nuummut nooqqusisimanera pissusissamisoortuunerarpaa.

Eqqartuussiviit qullersaata Atorfillit Kattuffiata Kommuneqarfik Sermersuullu akornanni eqqartuussivimmi suliaq nalinginnaanngitsoq aalajangiiffigaa, AG allappoq.

Eqqartuussivimmi suliaq Atorfillit Kattuffiat naapertorlugu atorfimmik Tasiilamiit Nuummut 2015-imi nuussineq eqqunngitsuuneraaneranut tunngavoq.

Nunatsinni eqqartuussiviup kommuni pinngitsuutippaa.

Atorfillit Kattuffiata eqqartuussiviup aalajangernera Nunatta Eqqartuussisuuneqarfianut ingerlateqqippaa. Eqqartuussisuuneqarfiup AK taperserpaa arnarlu eqqunngitsumik soraarsinneqarsimanerminik 1 millionit koruuninik taarsiissuteqarfigineqartussanngorlugu.

Kommunip eqqartuussiviup aalajangernera Eqqartuussiviit qullersaanut suliassanngorteqqippaa.

Eqqartuussiviillu Qullersaata Kommuneqarfik Sermersooq januaarip 27-ani pinngitsuutippaa.

Kommunip atorfimmik Tasiilamiit Nuummut nuussinera atorfimmik atorunnaarsitsinertut isigneqassanngilaq. Taamaammat atorfilik aningaasarsitinneqarnissamut pisussaaffeqanngitsoq, Eqqartuussiviit Qullersaata aalajangerpaa, AG allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat