Nutaarmiuni toqutsineq eqqartuussissutaalerpoq
Tassami unnerluussutissatut missingiussaq piumasaqaatitaqartoq piareerpoq, naalagaaffiullu unnerluussisuanit akuerineqareerluni.
- Paasissutissat ataasiakkaat, qanoq taarsiissuteqartoqarnissaanut piumasaqaateqarnissatsinnut atugassat, suliap eqqartuussivimmut nassiutinnginnerani amigaatituarilerallarpakka. Taava aamma paasissutissat ataasiakkaat, Upernavimmi politiit misissugassaat utaqqivakka. Tamakkua paasissutissaatigileriarukkit, suliaq eqqartuussivimmut nassiutissavara, unnerluusissussaatitaasut pisortaat, Helle Olesen, oqarpoq.
Taassumali maannakkut oqaatigiumanngilaa, qanoq piumasaqarniarnerlutik.
- Taanna suli saqqummiukkusunngilara. Oqaatigisinnaasarali unaavoq, naatsorsuutigigakku, suliaq suliassanngorteqqullugu sapaatit akunnerisa pingasut ingerlaneranni nassiutissagakku, Helle Olesen oqarpoq.
Nutaarmiuni inunnik pingasunik toqutsineq inunnillu sisamanik toqutseriarneq ukioq kingulleq februaarimi pivoq. Tassalu suliap eqqartuussivimmi suliarineqarnissaa qanillerpasippoq.
- Suliaq Upernavimmi eqqartuussivimmut januaarip ingerlanerani nassiutissavara. Taava eqqartuussiviup suliaq tiguguniuk qaqugu suliarineqarnissaa aalajangissavaa, Helle Olesen oqarpoq.