- Tusagassiuutitigut taama piumasaqartoqarniartoq tusarnikuungatsigu killiligaanngitsumik tigummineqarsinnaanera ilimagereersimavarput, Hans Enok Kristensen, Nutaarmiuni innuttaasoq, angutillu utoqqaap pinerlineqartup nakorsamit tikinneqarnissaanut paarsisuusimasoq oqarpoq.
Nutaarmiuni pisoq alianartoq pimmat innuttaasut avataanit ikiuigasuartunit tikinneqarput. Tamannalu iluaqutaasimavoq:
- Aap, iluaqutaasimasinnaavoq taamatut ullut marluk, pingasut immaqaluunniit sisamat maaniinnerini oqaloqatiginnittarluta pisarsimavugut, Hans Enok Kristensen oqarpoq.
Taassumali ilimagaa innuttaasut ilaat suli oqaloqateqartarnissaminnut pisariaqartitsissasut, inuunerli Nutaarmiuni ingerlaqqissimavoq:
- Ingerlaqqinnikuuvugut, nuannerseqqinnikuuvoq, naak qanikkallarmat tamatta eqqissiveqanngitsutut inissisimanikuungaluarluta. Soorunami taamaattoqaqqinnissaa naatsorsuutigiunnaaratsigu toqqissiartorpugut.