Assi: Begemot/Flickr Commons

Savalimmiut Nutaanik naalakkersuisoqalernissaa isumasiuinerup takutippaa

Savalimmiuni inatsisartunut aggustip ulluisa 31-annni qinersisoqartussaavoq, nutaamillu naalakkersuisoqalernisssaa ilimanarsinnaasoq, inunnik isumasiuinerup takutippaa.

Savalimmiuni inatsisartunut qinersisoqarnissaa, Savalimmiuni inuiattut juulip ulluisa 29-anni ullorsiortoqarnerani nalunaarutigineqarpoq, Savalimmiunilu maanna naalakkersuisut amerlanerussuteqarunnaarnissaat, Gallupip inunnik isumasiuinerata siulliup  takutippaa.

Partiit pingasut, tassa socialdemokratit, partiilu Savalimmiut namminiilivittungornissaanut sulissutiginnittoq Tjodveldi, partiilu mikisoq talerperlerneersoq Framsøkn, ukiuni kingullerni sisamani naalakkersuisuutitaqarput.

Naalakkersuisut siulittaasuata Aksel V. Johannesenip  naalakkersuisoqataasalu inatsisartuni ilaasortaatitanik marlunnik annaasaqarnisssaat, Gallupip Savalimmiut radioa sinnerlugu inunnik isumasiuisitsinerata takutippaa.

Savalimmiuni naalakkersuisoqatigiit inatsisartuni Lagtingimi ilaasortat katillutik 33-usut akornanni 15-inik taamaasillutik ilaasortaatitaqalerlutik ikinnerussuteqalissapput.
Illuatungiliuttuni partiit sisamat 18-inik ilaasortaatitaqalissasut, inunnik isumasiuinerup takutippaa.

Partiip konservatiiviusup Folkeflokkenip qinersinermi ajugaasuunisssaa ilimagineqarpoq, ilaasortaatitaat maanna arfiniliusut arfineq-pingasunngornissaat ilimagineqarluni.

Illuatungiliuttuni partiip angisuup aappaata Sambandspartiip, arfinilinnik maanna ilaasortaatitaqartup arfineq-marlunnik ilaasortaatitaqalernisssaa ilimagineqarpoq.

Tjodveldip ilaasortaatitaasa ataatsimik ilanngarlutik arfinilinngornissaat ilimagineqarpoq, naalakkersuisoqatigiinnili partiit minnerpaata Framsøknip siuarialaassangatinneqarnissaa ilimagineqarluni, ilaasortaatitaasali maanna marluusut ilaneqassangatinneqanngillat.

Gallup inunnik aggustip ulluisa aqqaneq-aappaanniit 16-iata tunngaanut isumasiuivoq, inuit katillugit 541-t isumasiorneqarlutik.

Inuit 3000-it missaat aggustip ulluisa 31-anni siullerpaamik qinersisinnaatitaassapput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat