Kalaallit Airports: Nutaanik mittarfittaarnikkut CO2-mik aniatitsineq millisinneqassaaq

Mittarfissat sanaartorneqartussatut pilersaarutaasut sipaaruteqarfiuinnaratik aamma CO2-mik aniatitsinermut millisaataassapput, Kalaallit Airportsip ukiumoortumik nalunaarusiaani tamanna allaqqavoq.

- Timmisartuussinermi kilometerit ikilissapput, Nunatsinnilu CO2-mik mingutsitsineq millerujussuassalluni, Kalaallit Airportsip siulersuisuini siulittaasoq, Johannus Gunnar Egholm Hansen, taama nassuiaavoq.

Nunatta iluani timmisartuussinerit, Kangerlussuup Nuullu akornanni aamma Kangerlussuup Ilulissallu akornanni, toqqaannartumik timmisartuussisoqartalertussaanera tamatumunnga pissutaavoq, Nuummi Ilulissanilu mittarfiit pilersaarutaasutut tallineqassappata.

- Timmisartuussisarnermi piffissaq atorneqartoq 33 procentinik sivikillissaaq.

Tamatuma saniatigut nunatta iluani timmisartuussinermi angallaviit qaninnerulissapput, taamaalilluni CO2-mik aniatitsineq millissalluni.

AAMMA ATUARUK Narsarsuarmiut periarfissarsiorput

 Ingerlatseqatigiiffiuo ukiumoortumik nalunaarutaani ima allaqqasoqarpoq:
 
- Nunatta iluani timmisartuussinerpassuit CO2-mik aniatitsinerunermik kinguneqartarput, mittarfiillu sanaartorneqareerpata tamanna 30 procentinik annikilliliinikkut pisariillisaasoqassaaq.
 
Aaqqiissutissarlu sorleq politikerinit toqqarneqassanersoq apeqqutaatillugu, Namminersorlutik Oqartussat naatsorsuititsinerisa takutippaat mittarfiit nutaat mittarfiit pioreersut ingerlatiinnarnerinut naleqqiullugit 1,3 milliardit koruunit sinnerlugit akikinnerussasut.

AAMMA ATUARUK Mittarfiliortiternerit nutaat milliard koruuninik sipaaruteqarfiussasut missueqqissaarnermi inerniliunneqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat