Nutaanik malittarisassiuuneqarpoq
Tipserluni lottorlunilu eqquiniaanermit isertanit tapiissutissanik agguaasarneq nutaanik malittarisassiunneqarpoq.
Aningaasaateqarfik suliniutinut tamalaanut ilisimatusarnernullu aningaasaliisarfiusoq, qinnuteqarfigineqarpat, qularineqassanngilaq paasissutissat tamakkiisut pineqartalissasut.
Kultureqarnermut pisortaqarfiup nalunaarutigaa aningaasaateqarfimmut siunissami qinnuteqartalersussat immikkut ittumik immersugassinneqartassasut, qanoq immersorsimanera naapertorlugu tapiissoqartassalluni.
Suliniutinut assigiinngitsunut qinnuteqarnissamut februaarip 15-iat killigitinneqarpoq.
Suliniutinut ilisimatusarnermut tunngassuteqartunut qinnuteqaatit Ilinniartitaanermut Kultureqarnermut Ilisimatusarnermut Ilageeqarnermullu Pisortaqarfimmut marsip aallaqqaataatinnagu tunniunneqareersimassapput.
Tipsernermut lottornermullu aningaasaateqarfimmut qinnuteqartarnermi malittarisassat nutaat Kultureqarnermut naalakkersuisup Doris Jakobsenip akuerisai, nittartakkami Nanoq.gl-mi aaneqarsinaapput.