Nutaamik periuseqartoqartariaqarpoq
Naalakkersuinikkut ingerlanniakkat aamma ilisimasatigut saqqummiussat annerusumik taputartuunneqartariaqanngillat, soqutigisaqaqatigiillu assiginngitsut suleqatigiissapput, taama isumaqarpoq ilisimatusarnermik immikkut ilisimasalik Risømi DTU-meersoq aamma Naalagaaffiit Peqatigiit silap pissusaanik immikkut ilisimasalittaannut ilaasoq Kirsten Halsnæs.
- Isumaqarpunga amerlanerusunik tunuliaqutaqarnissaq, soorlu USA-p inuussutissarsiortullu peqataatinnissaat pingaartorujussuusoq – tassa qanoq ingerlatsisoqarnissaa imminut ataqatigiissaagaanerusariaqarpoq. Suliniuteqarneq amerlanerusunit peqataaffigineqartariaqarpoq.
Immikkut ilisimasallit politikerit suliassaraluinik suliaqannginnissaat aamma politikerit immikkut ilisimasallit suliassaraluinik suliaqannginnissaat Kirsten Halsnæsip pisariaqarnerarpaa. Taakku immikkoortilluinnarneqartariaqarput, oqarpoq.